KUTXA y ADEGILAN elkarlanean enpresak ohitu daitezen ikasle unibertsitariak praktiketan hartzen.

Zer eskeintzen diote praktikek zure enpresari?

• Denbora faltagatik aurrera eraman ezin daitezkeen proiektuak egitea.
• Eguneroko lanean laguntza kualifikatu bat jasotzeka.
• Hobekuntzarako proposamenak eta gazte kementsuak enpresan sartzea.
• Enpresek izan ditzaketen lanpostu berrietarako unibertsitariak konpromezurik gabe ezagutzea.
• Gure unibertsitarien lanpostu aukerak hobetzen lagundu.

Zeintzu dira gure programak?

Ikasleen eskaerei aurre egiteko ditugun programak bi dira: PRAXIS programa eta FINEST programa.

Zertan ezberdintzen dira programa hauek?

PRAXIS programan karrerako azken bi kurtsoak egiten ari diren edo %50eko kredituak gaindituta dituzten ikasle unibertsitariek parte hartzen dute. Ohizko luzapena 3 hilabetetakoa da udan (Uztaila, Abuztua eta Iraila); hortik aparte urtearen gainerantzeko hilabeteetan gehienezko 350 ordu barnean adostasunez erabakitako luzapena izango du .

Enpresaren ordutegi eta egutegia errespetatuko da beti.

FINEST programaren bidez Injenieritza Tekniko eta Goi mailako ikasleek karrera amaierako proiektuak enpresan egiten dituzte. Finkaturiko luzapena 6 hilabetetakoa da.

Zein motako erlazioa sortzen da enpresa eta ikaslearen artean?

Ez da inongo lan harremanik sortzen, ez da kontratu eredu berri bat. Fakultate, Enpresa eta Ikaslearen arten hitzarmen* bat sinatzen da eta horrek bideratzen ditu praktika eta proiektu garaiko egonaldiak enpresan.

Ikaslea Seguru Eskolarrak babesten du, kasu bakoitzean, dauden arriskuen arabera, ardura zibila estaltzeko aseguru batez osatu daitekelarik.

*Arautzen duten legeak ondorengo hauek dira: Hezkuntza elkarlanerako programei buruzko Errege Dekretuak:

Ekainaren 19ko 1497/1981 (BOE, Uztailak 23) eta hau eguneratzen duen Irailaren 9koa (BOE, Urriak 18).

Ekainaren 27ko 333/1995 Dekretua (BOPV, Ekainak 30). Programetan parte hartzen duten Unibertsitate eta CONFEBASKen arteko akordioak.

Enpresak zerbait ordaindu behar al du?

Praktikak lan erlaziorik suposatzen ez duenez, ez dago ordainketa egiteko beharrezkotasunik. Dena dela, enpresak, borondatez, Laguntza Poltsa bat eman dezake ikaslearentzako praktikak egitea suposa dezakeen gastuak betetzeko (bidaia, bazkaria, e.a.)

Programak 10.000.-Pta/hileko Poltsa minimo bat ezarri du (orientagarri gisa esan, Programa hasi zenetik bataz besteko Poltsa 60.000.-Pta/hileko izan delarik).

Normalki egiten diren praktikak?

• Gestio administratiboa eta kontabilitatea.
• Marketing plan baten garapena.
• Merkatuaren azterketa.
• Enpresako departamentu ezberdinei laguntza: Esportazioak, Lan Harremanak, Komertziala, Produkzioa, etab.
• Data baseen diseinua eta programa informatikoen moldaketa.
• Ofimatikako sistema integral eta enpresa barruko sare baten ezarpena.
• Multimediako aplikazioen garapena.
• Web orrien diseinu eta eguneratzea.
• Kalitatezko sistema baten garapen eta ezarketa.
• Lan Arriskuen ebaluaketa.
• Ingurugiroaren ebaluaketa Lantegi barneko banaketa.
• Bidegarritasun azterketak.
• Produkzioaren antolakuntza eta kontrola.
• Prebentzio eta hobekuntzarako mantenimendua.
• Logistika integralaren antolakuntza.
• Materialaren azterketa.
• Laborategi kimikoetako berezko eginkizunak.

Praktiketan ikasleak hartzeko bideak

AdegiLan: Begoña Galparsoro.
Tel. 943.30.91.60 / E-mail: adegilan@adegi.es
Gure Web orriaren bidez (www.adegi.es)