Unibertsitateko ikasleak lan munduarekin harremanetan jartzeko ahaleginean KUTXA eta ADEGILAN elkarlanean.

Zer eskeintzen diote praktikek unibertsitateari?

  • Karreran ikasitakoa praktikan jartzea.
  • Enpresako kultura eta lan egiteko modua ezagutzea.
  • Enpresan lehen esperientzi bat lortzea.
  • Enplegu - gaitasuna hobetzea.
  • Lehen lana aurkitzeko dagoen zailtasunari aurre egitea.

Zeintzu dira praktika bat lortzeko bideak?

1. ADEGILAN

Praktika guztiak dagokien Eskola edo Fakultateko iragarkien tabloian argitaratzen dira. Ikasleak hautaketa egin beharko du eta interesatzen zaizkionetarako aurkeztuko du bere burua.

Eskola/Fakultatea da eskeintzen den praktikarako bi hautagaien aurrehautaketa egingo duena eta enpresa izango da egokien iruditzen zaion ikaslea hautatuz behinbehineko erantzuna emango duena .

Ikasleak enpresan praktiketako egonaldia hasi ahal izateko, enpresa, ikaslea eta Eskola/Fakultatearen arteko hitzarmen bat sinatu beharko da.

2. NORBERAK BERE BURUA ESKEINTZEA

Modu eraginkor batean bihurtzen ari den bide hau hartzea guztiz komenigarria da eta, gero begira, lanpostu bat aurkitzeko entrenamendurik hoberena.

Praktika batzuk bilatzearen ardura ez da beste baten gain utzi behar. Inork ez du guk bezalako gogorik jarriko ez jakingo guk nahi duguna .

    Praktikak bilatzeko gomendio batzuk:

    • Helburua zehaztu: aurkitu beharreko praktika mota, sektore, iharduera, tamainu, etabarren araberako enpresa.
    • Informazioa eta kontaktuak lortzearren ahal den toki gehienetara jo.
    • Elkarrizketa aurretik ondo prestatu:
      -Norbere buruaren aurkezpena, Kurrikulum Bitae-rena eta bisitaren helburua.
      -Egin daitezkeen praktiken lista.
      -Programari buruzko informazioa eta enpresa interesaturik egon ezkero jarraitu beharreko prozedura. AdegiLanetik, egiten diren galdera eta zalantzei erantzuna eskeiniko diegu.
      -Praktikak egiteko interesik ez badute, pertsona honen bitartez, beste enpresaren bateko kontakturen bat lortzen saiatuko gara.
    • Elkarrizketa amaitzean, komenigarria da jasotako informazioaren laburpen bat egitea, hala nola pertsonarena, enpresan duen kargua eta bisitaren data. Lan bila gabiltzanerako kontaktua izan daitezke.

      3. ESKOLA/FAKULTATEA

Praktiketako arduradunen bidez Eskola/Fakultatera iristen diren praktikak jestionatzen dira.

Nola atera diezaieket etekinik handiena praktikei?

Lehen helburua karreran zehar ikasitakoa praktikan jartzea bada ere, gomendagarria da praktikaren iharduera zehar jarrera aktibo bat izatea. JARRERA IREKIA eta NORBERAREN EKARPENA eskeintzea enpresa ezagutzeko beharrezko oinarriak izango dira.

Praktiketako egonaldia, ikasketa denboraldia da eta eguneroko ihardueran sortzen diren galderak egiteko aukera aprobetxatu behar da; lanpostu bat lortzen denean zailagoa denez. Hala ere, galderak egiteko momenturik aproposena bilatu behar da .

Sekretu profesionala gordetzea gehien baloratzen den ezaugarrietako bat da praktika egiten den bitartean eta baita hauek bukatu ondoren ere. Aipatu beharreko beste trebetasun batzuk honako hauek dira: ekimena, lankidetzarako gogoa, konstantzia, lanerako gaitasuna, lankideekin duen komunikazioa, norbere burua gainditzeko ahalegina eta lanean duen kalitatea.

Unibertsitateko ingurunetik aldaketa somatuko dugu praktikak hasten ditugunean. Garrantzizkoa da enpresak ezarritako arauak errespetatzea eta bere filosofiarekin bat doazen jokabideak errespetatzea.

Etorkizunean lanpostu bat aurkitzeko orduan hain beharrezko diren kontaktuak egiteko ere aukera ona da.

Laguntzaileak: